Musalamanon ki zillat Ruswai ki Wajah
Ist View Ilm ka fuqdan ek wajah hai jise door karna zaruri hai. Lekin ummat ke zillat o ruswaee ki wajoohat par bahut ghaur fikr ki zaroorat hai. Bahut se wajoohat jo batae jate hain woh asal marz nahin balki symptoms (awariz) hain. Che jaeke asal marz ki tashkheesh aur sahi ilaj na ho awariz ki islah namumkin hai. Allah pak amal ki taufeeq nasib farmae. 2nd View Yeh kehna ke aaj kal logo mei ilm ki kami hai, mai samajhta hu ke yeh iss sadi ka sab se bada jhoot hai. Kami ilm ki nahi, balke tarbiyat aur taqwa ki hai. Chunaanche, mukhtalif uloom-o-funoon aur unn uloom se behrawar muhaqqiqeen wa ulama ki jitni badi tadaad aaj hai, kabhi nahi rahi. Awaam toh awaam, hum maulviyo ko bhi din raat uloom aur maraakiz e uloom ki fikar hai, farzi o ghair farzi madaris ki fikar hai, lekin koi ye nahi kehta ke uloom toh bahot hain, aaj qaum o millat mei tarbiyatgaahon aur islaahi maraakiz ki zarurat hai. Arrey janaab, aaj ke din uloom toh aap ki dehleez pe dawat-e- tehseel de rahe hain....